Drejtori sportiv i Barcelonës, Deco, ka zhvilluar një takim me agjentin e futbollistit anglez Anthony Gordon, duke rritur spekulimet për një transferim të mundshëm në klubin katalanas gjatë merkatos së verës. Gordon, i cili aktualisht luan për Newcastle United, është vlerësuar si një përforcim ideal për krahun e majtë të sulmit të Barçës, falë shpejtësisë, aftësisë në duele dhe fleksibilitetit taktik. Megjithatë, Barcelona nuk është klubi i vetëm që kërkon shërbimet e tij, pasi Bayern Munich po ushtron presion të fortë dhe është gati të hyjë në negociata serioze për kartonin e tij. Vlera e Gordon vlerësohet nga 60 deri në 85 milionë euro, duke e bërë transferimin një sfidë të madhe financiare për klubet e interesuara.