FC Barcelona është shumë pranë arritjes së një marrëveshjeje të re me mbrojtësin danez Andreas Christensen, i cili mbetet pa kontratë këtë verë. Megjithëse ka refuzuar ofertën fillestare për shkak të pagës së ulët, Christensen po i jep përparësi qëndrimit në Barcelonë, ku familja e tij është e vendosur, edhe pse ka oferta më të mira financiare nga klube të tjerë. Kontrata e re pritet të jetë për dy vite, ndërsa Barcelona e sheh rinovimin e tij si një element të rëndësishëm për mbrojtjen, megjithatë nuk përjashtohet mundësia e shitjes nëse vjen një përforcim i madh. Trajneri Hansi Flick ka vlerësuar profesionalizmin e tij, por dëmtimet e shumta e kanë kufizuar ndjeshëm kontributin e tij gjatë sezonit.