Barcelona vazhdon të ketë interes të fortë për sulmuesin Julian Alvarez, pavarësisht refuzimit të ofertës së parë prej 100 milionë eurosh nga Atletico Madrid. Edhe vetë Alvarez duket se dëshiron të bashkohet me katalanasit, duke mbajtur gjallë shpresat për një transferim gjatë afatit kalimtar të verës. Oferta e Barcelonës u konsiderua qesharake nga Atletico, të cilët reaguan ashpër në rrjetet sociale, ndërsa edhe një ofertë më e lartë prej 150 milionë eurosh nga Real Madridi u refuzua. Aktualisht, largimi i Alvarezit nga Atletico duket i mundur vetëm nëse vetë lojtari kërkon të largohet, gjë që deri tani nuk është shfaqur si opsion.