Barcelona ka arritur marrëveshje me Manchester United për transferimin përfundimtar të Marcus Rashford, me një shumë prej 30 milionë eurosh që do të paguhet në tri këste vjetore. Rashford, i cili ka luajtur i huazuar te Barcelona gjatë këtij sezoni, ka dhënë kontribut të rëndësishëm me 10 gola dhe 13 asistime në 34 ndeshje. Futbollisti 28-vjeçar është i lumtur në klubin katalanas dhe pritet të qëndrojë në “Camp Nou” edhe pas Kupës së Botës 2026, duke mos pasur nevojë për negociata të reja për pagën e tij. Barcelona do të finalizojë transferimin sapo të përmbushen kushtet e Fair Playit Financiar të La Ligës, ndërsa Rashford ka shprehur kënaqësinë e tij për eksperiencën dhe pritjen që ka marrë në klubin spanjoll.