Mesfushori portugez Bernardo Silva është shumë pranë transferimit te Barcelona pas përfundimit të kontratës së tij me Manchester Cityn në fund të qershorit. Klubi katalunas po punon intensivisht për ta sjellë si lojtar të lirë, ndërsa lojtari ka vendosur Barcelonën si prioritet, duke pranuar edhe një ulje të konsiderueshme të pagës në krahasim me atë që merrte në Angli. Oferta e Barcelonës për Silvën është rreth 90 mijë euro në javë, shumë më pak se paga e tij e mëparshme, por aspekti financiar nuk është vendimtar për portugezin, i cili dëshiron të vazhdojë të luajë në nivelin më të lartë evropian. Miratimi final i trajnerit Hansi Flick ka ardhur, duke bërë që marrëveshja të konsiderohet në fazë shumë të avancuar dhe thuhet se është punë e kryer.