Barcelona ka zyrtarizuar transferimin e sulmuesit 24-vjeçar gjerman, Karim Adeyemi, nga Borussia Dortmund. Lojtari ka firmosur kontratë deri në qershor 2031, duke u bërë përforcimi i dytë i skuadrës së trajnerit Hansi Flick këtë verë. Marrëveshja u realizua pas negociatave të fshehta dhe përfshin një shumë fikse prej 22 milionë eurosh, plus bonuse dhe një klauzolë për fitime nga shitjet e ardhshme. Borussia Dortmund falënderoi Adeyemin për kontributin e tij gjatë katër viteve dhe konfirmoi dëshirën e lojtarit për një sfidë të re, duke i uruar sukses në karrierë.