Barcelona po planifikon të largojë disa lojtarë këtë verë për të siguruar fonde për afrime të reja, ndër ta edhe sulmuesin e ri Roony Bardghji. Bardghji, i transferuar nga Copenhagen për 2.5 milionë euro, ka pasur një sezon me luhatje, duke shënuar dy gola dhe katër asistime në 25 ndeshje, shumica nga stoli për shkak të konkurrencës me Lamine Yamal. Në mars, Bardghji shprehu pakënaqësi për mungesën e minutave, çka ka shtyrë klubin të marrë në konsideratë largimin e tij, por vetëm nëse pranon një ofertë prej të paktën 10 milionë eurosh. Nëse Bardghji largohet, kjo do të jetë një humbje për trajnerin Hansi Flick, por Barcelona pritet të kërkojë zëvendësim kryesisht nga akademia e njohur “La Masia”.