Barcelona po përpiqet të marrë sulmuesin Fisnik Asllani nga Hoffenheimi, duke e lënë Leipzigun në pritje për transferimin e tij. Edhe pse ekziston një marrëveshje në parim mes Leipzigut dhe Hoffenheimit, Asllani ka vendosur të mos nxitë finalizimin e kalimit, duke pritur ofertën e Barcelonës përpara se të marrë një vendim për të ardhmen. Hoffenheimi pritet të përfitojë rreth 30 milionë euro nga shitja e sulmuesit kosovar, i cili ka kontratë deri në vitin 2029. Në sezonin e kaluar, Asllani shfaqi formë të shkëlqyer me Hoffenheimin, duke shënuar 11 gola dhe dhënë 10 asistime në 35 ndeshje.