Barcelona po përshpejton përpjekjet për të transferuar mesfushorin maroken Azzedine Ounahi nga Girona, pas dëmtimit serioz të Frenkie De Jongut që do ta mbajë jashtë fushës për 5-6 muaj. Lëndimi i holandezit ka krijuar një boshllëk të madh në repartin e mesfushës, ndërsa edhe largimi i mundshëm i Marc Casado ka shtuar nevojën për përforcime. Girona kërkon 25 milionë euro për Ounahin, por pas rënies së klubit në kategorinë e dytë, ai mund të transferohet për rreth 10 milionë euro, një shifër e përballueshme për Barcelonën. Përveç Barcelonës, edhe Ajaxi po monitoron situatën, ndërsa drejtori sportiv Deco është nën presion për të mbyllur sa më parë marrëveshjen, me sezonin e ri që po afron dhe opsionet e kufizuara në mesfushë.