Barcelona po përpiqet të transferojë sulmuesin Julian Alvarez nga Atletico Madrid, por klubi madrilen vazhdon të rezistojë ndaj ofertave duke kërkuar rreth 100 milionë euro. Një agjenci e fuqishme spanjolle, Niagara, e udhëhequr nga Andy Bara dhe Juanma Lopez, po luan rol kyç në negociata, duke shpresuar të hapë rrugën për marrëveshjen. Kjo agjenci ka ndihmuar më parë Barcelonën në transferime të rëndësishme si Dani Olmos dhe Joan Garcia, dhe lidhjet e saj me rrethin e Alvarezit mund të jenë vendimtare. Megjithatë, problemet financiare të Barcelonës mbeten një pengesë e madhe në këtë operacion, ndërsa Atletico planifikon t’i ofrojë sulmuesit një rinovim kontrate për të mbajtur kampionin e Botës 2022 në skuadër.