Barcelona ka nisur bisedimet me Lautaro Martinezin dhe përfaqësuesit e tij, duke e konsideruar sulmuesin argjentinas si një alternativë kryesore në rast se transferimi i Julián Álvarez dështon. Interi është i gatshëm të shqyrtojë një ofertë prej të paktën 100 milionë eurosh për kapitenin e tij, por në Barcelonë dyshojnë në vlerën e tij dhe e shohin më të arsyeshme një shifër rreth 80 milionë euro. Lautaro është i hapur për një kalim te Barcelona, por nuk dëshiron të detyrojë largimin nga Interi, ku ndihet i lumtur. Ndërkohë, klubi katalanas vazhdon të punojë për transferimin e Álvarez, por nëse ai plan dështon, Lautaro mbetet në listën e opsioneve për të forcuar sulmin.