Barcelona po kërkon të përforcojë repartin ofensiv këtë verë, duke synuar një qendërsulmues pas largimeve të Robert Lewandowskit dhe Ferran Torresit. Drejtuesit e klubit kanë përzgjedhur shtatë kandidatë, përfshirë Lautaro Martinezin e Interit, Viktor Gyokeresin e Arsenalit dhe Luis Suarezin e Sporting Lisbonës, me këtë të fundit që kërkohet për 80 milionë euro. Gjithashtu, Barcelona po shqyrton mundësitë për Gabriel Jesus dhe Nicolas Jackson, të cilët klubet angleze janë të gatshme t’i lënë të largohen para mbylljes së afatit kalimtar. Përveç tyre, stafi teknik monitoron edhe Georges Mikautadzen e Villarrealit dhe Nicolo Tresoldin e Club Brugge, duke kërkuar një alternativë me kosto më të përballueshme për të kompletuar skuadrën e Hansi Flickut para 1 shtatorit.