Drejtori sportiv i Barcelonës, Deco, ka konfirmuar se klubi katalanas po punon intensivisht për disa përforcime gjatë afatit kalimtar të verës. Kontaktet e para me disa lojtarë dhe agjentë janë nisur, ndërsa negociatat zyrtare me klubet ende nuk kanë hyrë në fazën përfundimtare. Barcelona synon të përforcojë repartin ofensiv, ku emra si Joao Pedro dhe Julian Alvarez janë në fokus, megjithëse operacionet mbeten të komplikuara për shkak të çmimeve të larta dhe konkurrencës nga klube të tjera. Përveç afrimeve, klubi po planifikon edhe shitjen e disa futbollistëve për të krijuar hapësira financiare dhe për të respektuar rregullat e Fair Play Financiar.