Barcelona po përgatitet për një ndryshim të rëndësishëm në mbrojtje gjatë kësaj vere, me largimin e mundshëm të Alejandro Balde drejt Premier League. Agjenti Jorge Mendes po luan një rol kyç duke negociuar transferimin e Baldes te Manchester United, me një vlerë që mund të arrijë 50-60 milionë euro. Në të njëjtën kohë, Barcelona po shqyrton seriozisht transferimin e Jorge Salinas si zëvendësues të Baldes, për një shumë prej 16 milionë eurosh, pasi drejtori sportiv Deco e pëlqen profilin e tij. Klubi katalanas pritet të marrë një vendim përfundimtar së shpejti, ndërsa agjenti Mendes po tenton të realizojë këtë operacion të dyfishtë që përfshin largimin dhe ardhjen e dy mbrojtësve.