Kandidati për president të Barcelonës, Victor Font, ka nisur bisedime me drejtuesit e Manchester City për të siguruar një opsion preferencial blerjeje për sulmuesin norvegjez Erling Haaland. Takimet u zhvilluan në Madrid në mënyrë diskrete dhe përfshinë figura kyçe si drejtori ekzekutiv i City, Ferran Soriano, dhe drejtori sportiv Hugo Viana, si dhe anëtarë të stafit të Font, përfshirë Carles Planchart, i cili ka lidhje të forta me trajnerin Pep Guardiola. Qëllimi është që Barcelona të ketë përparësi në një transferim të mundshëm të Haaland në të ardhmen, duke pasur parasysh se sulmuesi ka rinovuar kontratën me City deri në vitin 2034. Ky operacion konsiderohet strategjik për Barcelonën, e cila kërkon të forcojë sulmin, sidomos duke pasur parasysh largimin e mundshëm të Robert Lewandowskit në verë.