Presidenti i Barcelonës, Joan Laporta, ka konfirmuar se klubi katalanas vazhdon të mbajë gjallë interesimin për sulmuesin argjentinas Julian Alvarez, duke dërguar edhe një ofertë zyrtare për të. Megjithatë, Atletico Madrid nuk ka ndërmend ta shesë lojtarin në këtë moment, pasi nuk ka gjetur ende një zëvendësues të denjë për sulmin e tyre. Laporta ka theksuar se oferta e Barcelonës do të mbetet e vlefshme për aq kohë sa ata e konsiderojnë të arsyeshme dhe është në pritje të një lëvizjeje nga ana e Atletico Madridit. Ai gjithashtu ka zbuluar se Barcelona kishte kërkuar Alvarez edhe para transferimit të tij te Manchester City, por nuk ishte arritur marrëveshja.