Barcelona vazhdon të tregojë interes për sulmuesin Julian Alvarez, por nuk do të rrisë ofertën e saj prej 100 milionë eurosh, duke u përballur me kërkesën e lartë të Atletico Madrid. Klubi katalunas beson se ka mjaftueshëm opsione në repartin ofensiv me afrimet e reja si Anthony Gordon dhe Karim Adeyemi, si dhe lojtarë si Ferran Torres, Dani Olmo dhe Raphinha që mund të mbulojnë pozicionin e sulmuesit. Trajneri Hansi Flick dëshiron një sulmues të nivelit të lartë, por drejtuesit e Barcelonës nuk janë të gatshëm të bëjnë një investim të madh vetëm për këtë transferim. Nëse Atletico nuk ndryshon qëndrim, Barcelona do të vazhdojë sezonin me skuadrën aktuale, duke refuzuar të paguajë më shumë se çmimi i përcaktuar për Alvarez.