Barcelona është shumë pranë finalizimit të transferimit të mbrojtësit 19-vjeçar Jorge Salinas nga Racing Santander. Drejtori sportiv Deco po përpiqet të mbyllë marrëveshjen para 30 qershorit, për të shmangur dyfishimin e klauzolës nga 8 në 16 milionë euro që do të hyjë në fuqi nga 1 korriku. Salinas ka pasur një sezon të shkëlqyer, duke kontribuar me 7 asistime në 33 ndeshje dhe duke ndihmuar ekipin e tij të ngjitet në LaLiga. Barcelona po tenton të ulë çmimin duke përfshirë huazimin e ndonjë talenti nga akademia dhe planifikon që Salinas të kryejë parasezonin me ekipin e parë nën drejtimin e trajnerit Hansi Flick.