Barcelona po përgatitet të shpenzojë mbi 100 milionë euro në afatin kalimtar të verës, duke shpresuar në një rikthim financiar që do t’i lejojë të investojë lirshëm pas disa sezoneve të vështira. Prioriteti kryesor i klubit mbetet afrimi i një sulmuesi të nivelit të lartë, për të zëvendësuar Robert Lewandowskin, i cili ka lënë një boshllëk të madh me 120 gola në fanellën katalanase. Në listën e dëshirave janë Julian Álvarez dhe João Pedro, me dy profile që ofrojnë opsione të ndryshme financiare dhe sportive. Përveç sulmuesit, Barcelona po rishikon edhe repartin e mbrojtjes, ku interesat për disa lojtarë janë ftohur, ndërsa trajneri Hansi Flick po vlerëson me kujdes nevojat përforcuese në këtë sektor.