FC Barcelona po përgatitet për përforcime gjatë merkatos së verës, por njëkohësisht po shqyrton edhe mundësinë e shitjes së disa lojtarëve për të arritur limitin e pagave. Presidenti Joan Laporta ka bërë të ditur se klubi i mungojnë vetëm rreth 12 milionë euro për të përmbushur këtë kufizim financiar. Një nga lojtarët që mund të largohet është mbrojtësi i majtë Alejandro Balde, i cili nuk konsiderohet i paprekshëm dhe për të cilin ka interesim nga skuadra si Interi dhe Manchester United. Balde ka kontratë me Barcelonën deri në vitin 2028, por nëse vijnë oferta të mira, klubi është i gatshëm ta shqyrtojë largimin e tij.