Barcelona ka rifilluar interesimin për mesfushorin e Manchester Cityt, Rodri, pas lëndimit afatgjatë të Frenkie de Jongut, që ka krijuar pasiguri në repartin e mesfushës së klubit katalunas. Megjithëse mesfusha nuk ishte prioritet kryesor në këtë afat kalimtar, situata e krijuar ka bërë që drejtuesit e Barcelonës të rishqyrtojnë mundësinë e transferimit të reprezentuesit spanjoll. Klubi është i gatshëm të ofrojë rreth 50 milionë euro për kartonin e lojtarit, por çdo lëvizje do të varet nga dëshira e Rodrit për t’u transferuar në "Camp Nou" dhe nga përputhshmëria me rregullat e Fair Play Financiar të La Ligës. Aktualisht, Rodri po kërkon kalimin te Real Madridi, por deri tani nuk ka oferta zyrtare nga klubi madrilen, ndërsa Barcelona vazhdon ta mbajë situatën nën vëzhgim të vazhdueshëm.