Barcelona ka humbur durimin në negociatat për transferimin e Julian Alvarezit, sulmuesit argjentinas që konsiderohet objektivi kryesor për të zëvendësuar Robert Lewandowskin. Megjithatë, Atletico Madrid ka refuzuar të shesë lojtarin, duke e konsideruar atë pjesë kyçe të projektit të tyre, gjë që ka vështirësuar arritjen e marrëveshjes. Për shkak të kësaj, drejtuesit e Barçës po shqyrtojnë alternativa të tjera, duke përfshirë edhe sulmues të profilit të lartë si Joao Pedro nga Chelsea. Klubi katalanas nuk dëshiron të mbetet i varur vetëm nga një opsion dhe po përgatitet për skenarin ku transferimi i Alvarezit nuk realizohet.