Barcelona po përgatitet të bëjë një ofertë serioze për sulmuesin Julián Álvarez, i cili aktualisht luan te Atletico Madrid. Klubi katalanas e ka bërë argjentinasin objektivin kryesor për repartin ofensiv gjatë afatit kalimtar të verës dhe po shqyrton mënyra për të ulur koston e transferimit, duke përfshirë përfshirjen e disa lojtarëve në marrëveshje. Atletico kërkon më shumë se 100 milionë euro për Alvarez, i cili ndihet mirë në Madrid dhe është përshtatur me skuadrën e tij aktuale. Ndërkohë, Barcelona po monitoron edhe alternativën Joao Pedro, por prioriteti mbetet i fokusuar te sulmuesi argjentinas.