Barcelona po planifikon transferimin e mbrojtësit spanjoll Aymeric Laporte gjatë afatit kalimtar të verës. Drejtuesit e klubit katalanas kanë nisur kontaktet me përfaqësuesit e 32-vjeçarit, i cili aktualisht luan për Al Nassr dhe e sheh me pozitivitet një kalim në “Camp Nou”. Klauzola e largimit të Laportes raportohet të jetë më pak se 15 milionë euro, një shifër që konsiderohet e përballueshme për Barcelonën. Në rast realizimi të marrëveshjes, trajneri i Barcelonës do të mund të formojë në qendër të mbrojtjes një dyshe spanjolle me talentin e ri Pau Cubarsi.