Barcelona po shqyrton mundësinë e transferimit të mbrojtësit holandez të Manchester Cityt, Nathan Ake, gjatë merkatos së verës. Klubi katalanas e sheh Ake si një alternativë të përballueshme ndaj dy opsioneve të tjera më të shtrenjta, Micky van de Ven dhe Alessandro Bastoni, të cilët aktualisht janë jashtë mundësive financiare të Barcelonës. Nathan Ake, 31 vjeç, ka një kontratë me Cityn deri në vitin 2027, por me një rol të kufizuar këtë sezon, duke bërë që klubi anglez të jetë i hapur për një shitje me një çmim të arsyeshëm. Drejtori sportiv i Barcelonës, Deco, e vlerëson shumë Ake për cilësitë e tij fizike, teknike dhe përvojën e tij të gjerë në nivele të larta futbolli.