Barcelona po përgatit një transferim të rëndësishëm në repartin defensiv pas marrëveshjes me Anthony Gordon, duke intensifikuar negociatat për Andrea Cambiason e Juventusit. Nën drejtimin e Hansi Flick, klubi katalanas kërkon një mbrojtës ofensiv që mund të luajë në të dy krahët dhe të sjellë më shumë dinamizëm dhe konkurrencë në skuadër, duke lehtësuar ngarkesën e Jules Kounde gjatë sezonit të ri. Juventus, për shkak të vështirësive financiare dhe rrezikut për të mbetur jashtë Ligës së Kampionëve, ka vendosur një çmim rreth 50 milionë euro për kartonin e Cambiasos, i cili ka shkëlqyer këtë sezon në Serie A me mbi 35 ndeshje, tre gola dhe katër asistime. Barcelona po përgatit një plan financiar për të realizuar transferimin dhe synon të mposhtë konkurrencën nga klubet e mëdha evropiane, duke besuar se Cambiaso do të sjellë më shumë fluiditet dhe agresivitet në stilin e lojës që Flick dëshiron të aplikojë në “Camp Nou”.