Barcelona po planifikon të forcojë skuadrën për sezonin e ardhshëm duke synuar transferime me kosto të ulët, për shkak të situatës ekonomike të klubit. Në listën e dëshirave janë tre lojtarë nga La Liga: sulmuesi kosovar Vedat Muriqi, mbrojtësi i djathtë rumun Andrei Rațiu dhe mbrojtësi i ri i Sevillas, i njohur si “Oso”. Muriqi, me 22 gola këtë sezon për Mallorcan, shihet si një alternativë e fuqishme në sulm, me një vlerë transferimi rreth 15 milionë euro, ndërsa Rațiu dhe “Oso” ofrojnë opsione të ndryshme për mbrojtjen me shuma të arsyeshme. Drejtuesit e Barcelonës besojnë se afrimi i lojtarëve të njohur brenda kampionatit spanjoll do të lehtësojë përshtatjen dhe do të rrisë konkurrencën në ekip pa rënduar buxhetin.