Barcelona po përgatitet për një verë me ndryshime në repartin e sulmit, duke kërkuar zëvendësuesin natyral të Robert Lewandowskit, i cili mund të largohet nga klubi. Pas interesimit të gjatë për Julian Alvarez, që nuk është në shitje nga Atletico Madrid, katalanasit kanë hedhur sytë te sulmuesi tjetër i Atletico, Alexander Sorloth. Norvegjezi me kontratë deri në vitin 2028 është vlerësuar për aftësitë teknike dhe përshtatshmërinë me sistemin e trajnerit Hansi Flick, duke bërë 47 paraqitje dhe shënuar 17 gola për Atletico-n deri tani.