Barcelona ka nisur bisedimet për rinovimin e kontratës së mbrojtësit spanjoll Gerard Martín, duke synuar ta mbajë atë në skuadër për vitet e ardhshme. Aktualisht kontrata e tij skadon në verën e vitit 2028, por klubi dëshiron të rrisë klauzolën e lirimit në 100 milionë euro dhe të përmirësojë pagën e tij si shpërblim për performancat e tij të fundit. Nën drejtimin e trajnerit Hansi Flick, Martín ka fituar më shumë hapësirë në ekip dhe konsiderohet një pjesë kyçe e projektit të Barcelonës për të ardhmen. Edhe pse bisedimet janë në fazën fillestare dhe ende pa takime zyrtare, të dyja palët tregojnë interes për vazhdimin e bashkëpunimit.