Barcelona po përgatitet për një transformim në repartin ofensiv, duke ndarë një buxhet maksimal prej 100 milionë eurosh për të transferuar një sulmues të ri në afatin kalimtar veror të sezonit të ardhshëm. Objektivi kryesor i klubit katalanas është sulmuesi argjentinas Julián Álvarez, i cili aktualisht luan për Atletico Madrid dhe ka shfaqur pasiguri për të ardhmen e tij në Wanda Metropolitano. Barcelona e sheh Álvarez si pasardhësin ideal të Robert Lewandowskit, i cili pritet të largohet këtë verë, por klubi dëshiron të respektojë rregullat e Fair Play Financiar para se të finalizojë transferimin. Sulmuesi argjentinas ka kontratë me Atleticon deri në vitin 2030 dhe duhet të kërkojë vetë largimin nëse dëshiron të bashkohet me Barcelonën, ndërsa ka treguar formë të shkëlqyer në Ligën e Kampionëve duke shënuar dy gola në ndeshjen kundër Tottenham Hotspur.