Barcelona ka shfaqur interes të madh për sulmuesin kosovar Vedat Muriqi, i cili po shkëlqen me Mallorcan në La Liga këtë sezon. Klubi katalanas e konsideron Muriqin një opsion ekonomik për të përforcuar repartin ofensiv, duke kërkuar informacion mbi mundësinë e transferimit të tij, pavarësisht klauzolës prej 40 milionë eurosh që ka në kontratë. Muriqi ka shënuar 21 gola këtë sezon dhe është golashënuesi i dytë më i mirë në La Liga, duke thyer rekorde të mëparshme të klubit të tij dhe duke tërhequr vëmendjen e Barcelonës, e cila po kërkon alternativa për pozicionin e qendërsulmuesit, pasi transferimi i Julian Alvarezit duket i vështirë për shkak të situatës financiare. Përveç Muriqit, Barça ka shfaqur interes edhe për futbollistin tjetër dardan, Fisnik Asllani, duke treguar se po kërkon përforcime të përballueshme dhe me përvojë në kampionatin spanjoll dhe atë gjerman.