Vedat Muriqi po kalon sezonin më të mirë të karrierës me Mallorcën, duke shënuar 21 gola në 31 ndeshje dhe duke u renditur si golashënuesi i dytë më i mirë në La Liga pas Mbappes. Kjo formë e shkëlqyer ka tërhequr vëmendjen e Barcelonës, e cila po kërkon një sulmues me kosto të ulët dhe me përvojë në kampionatin spanjoll për të forcuar repartin ofensiv. Sipas mediave spanjolle, Muriqi është një opsion i përshtatshëm për Barcelonën për shkak të forcës fizike, aftësisë për t’u përshtatur me sisteme të ndryshme loje dhe çmimit të tij të përballueshëm, rreth 15 milionë euro. Klubi katalanas po vlerëson mundësinë e transferimit, ndërsa vera pritet të jetë vendimtare për të ardhmen e sulmuesit kosovar, i cili aktualisht ka kontratë me Mallorcan deri në vitin 2029 dhe një klauzolë lirimi prej 30 milionë eurosh.