Barcelona dominoi ndeshjen ndaj Sevillës në “Camp Nou” në javën e 28-të të La Ligës, duke fituar me rezultatin 5-2. Në pjesën e parë, katalanasit shënuan tre gola, dy prej tyre nga penalltitë e realizuara nga Raphinha në minutat e 9-të dhe 21-të, dhe një gol nga Dani Olmo në minutën e 38-të. Sevilla ngushtoi rezultatin në 3-1 në minutën e fundit të pjesës së parë me golin e Oso-s, por në pjesën e dytë Raphinha realizoi golin e tretë personal në minutën e 51-të, duke kompletuar het-trikun. Joao Cancelo vulosi fitoren për Barcelonën me golin e pestë në minutën e 60-të, duke i dhënë skuadrës kryesuese në kampionat një avantazh prej katër pikësh ndaj Real Madridit.