Barcelona ka siguruar vendin në çerekfinalen e Ligës së Kampionëve pas një fitoreje spektakolare 7:2 ndaj Newcastles në ndeshjen e kthimit të 1/8 së finales, e zhvilluar në “Camp Nou”. Pas një barazimi 1:1 në ndeshjen e parë në Angli, katalonasit dominuan në pjesën e dytë të takimit, duke shënuar gol pas goli dhe duke treguar një lojë të pandalshme. Golat për Barcelonën u shënuan nga Raphinha (6' dhe 72’), Bernal (18'), Lamine Yamal (45+7' penallti), Fermin Lopez (51') dhe Lewandowski (56’ dhe 61’), ndërsa për Newcastlen shënoi Elanga (15' dhe 28'). Me këtë fitore të thellë, Barcelona do të përballet në çerekfinale me fituesin e duelit mes Atletico Madridit dhe Tottenhamit.