Barcelona është skuadra me më shumë kartonë të kuq në Champions League gjatë 10 viteve të fundit, duke regjistruar gjithsej 12 të tillë, nga të cilët një e treta janë marrë nën drejtimin e trajnerit Hansi Flick. Ndeshja e fundit ndaj Atletico Madrid përfundoi me humbje 0-2 dhe me një karton të kuq për Cubarsi, i cili u ndëshkua pas ndërhyrjes së VAR-it. Problemi kryesor lidhet me stilin e lojës së Barcelonës, që luan me një linjë mbrojtëse shumë lart, duke çuar në shumë ndëshkime, shpesh në pjesën e parë dhe në disa raste pas dy kartonëve të verdhë. Në këtë klasifikim negativ, pas Barcelonës renditen Bajern Mynih me 8 kartonë të kuq dhe Real Madrid me 6.