Presidenti i Komitetit Olimpik të Kosovës, Ismet Krasniqi, dhe sekretari i përgjithshëm, Besim Aliti, kanë zhvilluar një takim me shefin ekzekutiv të Aeroportit Ndërkombëtar të Prishtinës, Gökhan Açikgöz, për të koordinuar përgatitjet lidhur me Lojërat Mesdhetare Prishtina 2030. Në këtë takim u diskutua rëndësia e bashkëpunimit ndërmjet KOK-ut, Komitetit Organizativ dhe Aeroportit për të siguruar kushte optimale për sportistët, delegacionet dhe vizitorët ndërkombëtarë gjatë ngjarjes. Palët shqyrtuan mundësitë për krijimin e lehtësirave dhe organizimin logjistik të fluksit të mysafirëve që pritet të mbërrijnë në Kosovë. Kjo koordinim ndërinstitucional pritet të jetë një nga faktorët kyç për një organizim të suksesshëm dhe për një pritje të denjë të komunitetit sportiv ndërkombëtar në Prishtina 2030.