Përzgjedhësi i Kosovës në futboll, Franco Foda, ka nisur shpërndarjen e ftesave për ndeshjet e plejofit për kualifikim në Botëror, ku Kosova do të përballet më 26 mars me Sllovakinë dhe më 31 mars me Turqinë apo Rumaninë. Një prej ftesave të shpërndara ka shkuar edhe për sulmuesin 24-vjeçar Baton Zabërgja, i cili aktivizohet në klubin ukrainas Metalist 1925. Klubi ukrainas njoftoi të martën se Zabërgja është ftuar për këto ndeshje të rëndësishme, duke theksuar kontributin e tij me dy gola dhe një asistim në 13 paraqitje në elitën ukrainase. Lista zyrtare e futbollistëve do të prezantohet nga Foda të premten, por ftesat tashmë po shpërndahen nëpër klube, duke përfshirë edhe Metalist 1925.