Bayern Munich po përgatit një ofertë prej rreth 25 milionë eurosh për Marcus Rashfordin, duke u futur në garë për sulmuesin e Manchester United. Klubi bavarez ka zhvilluar bisedime pozitive me përfaqësuesit e lojtarit dhe po punon për një ofertë zyrtare, megjithëse Manchester United kërkon afërsisht 30 milionë euro për ta lënë të lirë 28-vjeçarin. Në garë për Rashfordin mbetet edhe FC Barcelona, e cila ka një opsion prej 26 milionë funte për ta blerë përfundimisht pas periudhës së huazimit në Spanjë. Me disa klube të mëdha evropiane të interesuara, merkatoja e Rashfordit pritet të jetë një nga sagat më të ndjekura këtë verë.