Bayern Munich po planifikon të zëvendësojë sulmuesin Harry Kane, i cili mund të largohet në fund të këtij sezoni, dhe trajneri Vincent Kompany ka zgjedhur Victor Osimhen si pasuesin ideal. Sulmuesi nigerian po shkëlqen te Galatasaray me 18 gola në 26 ndeshje këtë sezon, por largimi i tij nga klubi turk do të kërkojë një ofertë prej 120 milionë eurosh, shifër që Bayern e konsideron të përballueshme. Përveç vlerës së lartë të transferimit, Osimhen ka një rrogë prej 20 milionë euro në sezon, por Bayerni është një nga pak klubet elitare që mund ta përballojë këtë kosto. Interes për sulmuesin kanë shfaqur edhe PSG dhe disa ekipe nga Premier League, ndërsa ofertat nga Saudi Pro League nuk e tërheqin atë.