Bayern Munich nuk ka hequr dorë nga sulmuesi kosovar Fisnik Asllani, i cili konsiderohet si një alternativë serioze për repartin ofensiv të klubit bavarez. Klubi e sheh 23-vjeçarin si zëvendësuesin ideal të Harry Kane dhe është i gatshëm ta transferojë atë me një klauzolë lirimi prej rreth 30 milionë eurosh, një shumë e përballueshme për Bayernin. Asllani, i cili ka kontratë me TSG Hoffenheim deri në qershor 2029, ka shënuar këtë sezon 8 gola dhe ka dhënë 7 asistime në 23 paraqitje zyrtare, duke tërhequr vëmendjen e klubit gjerman. Megjithëse më parë u raportua se lojtari nuk përshtatej plotësisht me stilin e trajnerit Vincent Kompany, zhvillimet e fundit tregojnë se Bayerni e vlerëson potencialin e tij për zhvillim afatgjatë dhe e konsideron një investim me perspektivë për të ardhmen.