Bayern Munichu po përpiqet të mbajë në skuadër Michael Olisen, i cili është objektiv i interesimit nga klube të mëdha evropiane, përfshirë Real Madridin. Megjithatë, drejtuesit e klubit bavarez po mendojnë edhe për një plan rezervë në rast largimi të francezit, duke pëlqyer si alternativë mesfushorin ofanziv të Nottingham Forest, Morgan Gibbs-White. Ky i fundit pati një sezon të shkëlqyer me 18 gola dhe 7 asistime, por klubi anglez nuk dëshiron ta shesë, pasi pas shitjes së Elliot Anderson ka burime financiare të mjaftueshme dhe synon të forcojë skuadrën. Një faktor që mund të ndihmojë në realizimin e transferimit është lidhja e Gibbs-White me agjencinë ROOF, e cila ka marrëdhënie të mira me Bayern Munichun, por për momentin nuk ka negociata konkrete, vetëm skenarë të mundshëm.