Bayern Munihu ka vendosur si prioritet përforcimin e krahut të djathtë të mbrojtjes dhe ka vënë në shënjestër Jules Koundén e Barcelonës. Klubi gjerman është i gatshëm të investojë rreth 60 milionë euro për francezin, por fillimisht duhet të zgjidhë çështjen e largimit të Sacha Boey, i cili nuk është në planet e trajnerit Vincent Kompany. Barcelona nuk e konsideron Koundén të paprekshëm, por kërkon një shumë të konsiderueshme për ta shitur, duke pasur parasysh kontratën e gjatë të mbrojtësit deri në vitin 2030. Në moshën 27-vjeçare, Koundé ofron eksperiencë, fleksibilitet dhe cilësi, duke qenë një alternativë ideale për Bayernin që dëshiron të aktivizojë Joshua Kimmichin në mesfushë dhe të forcojë mbrojtjen.