Bayern Munich po përgatit një kontratë të re dhe një rritje të ndjeshme page për Michael Olisen, duke synuar të sigurojë të ardhmen e anësorit francez në “Allianz Arena”. Klubi gjerman nuk ka ndërmend ta shesë 24-vjeçarin, pavarësisht interesimit të fortë nga Real Madrid dhe Liverpool, që po monitorojnë nga afër situatën e tij. Olise është shndërruar në një prej lojtarëve më të vlerësuar të Bayernit që nga transferimi i tij dhe performancat e tij kanë tërhequr vëmendjen e klubeve më të mëdha evropiane. Një kontratë e re me kushte më të mira financiare pritet të finalizohet së shpejti, duke dërguar një mesazh të qartë se francezi konsiderohet pjesë kyçe e projektit afatgjatë të Bayernit.