Bayern Munichu ka vendosur Anthony Gordon të Newcastle United si objektivin kryesor për merkaton e verës, duke qenë gati të ofrojë deri në 70 milionë euro për sulmuesin anglez. Megjithatë, kërkesat e Newcastle shkojnë mbi 90 milionë euro, duke vështirësuar arritjen e marrëveshjes. Në rast se nuk arrihet marrëveshja për Gordon, Bayern ka një plan B në formën e Charles De Ketelaere, ylli belg i Atalantës, i cili këtë sezon ka shënuar 5 gola dhe ka dhënë 7 asiste në 40 ndeshje. De Ketelaere, i cili kaloi vështirësi te Milani para se të rilindte në Atalanta, është vlerësuar si një alternativë e vlefshme, por interesi për të mbetet në hije të prioritetit për Gordon.