Sulmuesi francez Michael Olise, i cili luan për Bayern Munich, vazhdon të jetë në qendër të spekulimeve për një kalim të mundshëm te Real Madrid, por klubi bavarez ka vendosur të mbajë lojtarin me çdo kusht. Bayern po planifikon të zgjasë kontratën e Olises, duke i ofruar një pagë më të lartë dhe duke përfshirë një klauzolë lirimi prej 200 deri në 250 milionë euro, një praktikë e re për klubin gjerman. Kjo klauzolë do ta bëjë shumë të vështirë largimin e francezit, duke e mbrojtur nga ofertat e klubeve të mëdha evropiane, përfshirë Real Madridin, i cili deri tani ka shmangur veprime konkrete për transferimin e tij. Për më tepër, Bayern synon ta bëjë Olisen një figurë qendrore në projektin e tyre të ardhshëm, duke e mbajtur atë në Mynih pavarësisht dëshirës së lojtarit për të luajtur një ditë në Spanjë.