Bayerni i Mynihut ka arritur marrëveshje personale me sulmuesin anglez Anthony Gordon, duke shprehur dëshirën për ta forcuar repartin ofensiv për sezonin e ardhshëm. Klubi bavarez po negocion me Newcastle United për transferimin, por kërkesa financiare e klubit anglez, rreth 86-87 milionë euro, mbetet pengesa kryesore për finalizimin e marrëveshjes. Bayerni ka një buxhet fillestar prej 60 milionë eurosh për afrime, i cili mund të rritet nëse shiten disa lojtarë, ndërsa trajneri Vincent Kompany e vlerëson lart profilin e Gordonit për shpejtësinë dhe aftësitë e tij sulmuese. Në garë për Gordonin janë edhe klube të tjera të mëdha si Barcelona, Liverpool, Arsenali dhe Paris Saint-Germain, që mund të kenë mundësi financiare për të përmbushur kërkesat e Newcastle.