Arijon Ibrahimoviq, 20-vjeçari me rrënjë nga Kosova, po përgatitet të marrë hapin më të rëndësishëm në karrierën e tij me Bayernin e Mynihut. Pas tri periudhave huazimi dhe një rinovimi kontrate deri në vitin 2028, klubi gjerman planifikon ta integrojë atë në ekipin e parë si një alternativë në repartin ofensiv, kryesisht në krahun e majtë të sulmit. Trajneri Vincent Kompany pritet t’i japë hapësira për të dëshmuar vlerat e tij, ndërsa gjatë pushimit dimëror do të bëhet një vlerësim i rolit të tij në skuadër. Ibrahimoviq ka përfaqësuar të gjitha grupmoshat e Gjermanisë dhe mbetet i kualifikueshëm edhe për Kosovën, duke u bërë kandidat potencial për Kombëtaren A nëse siguron minuta të rregullta te Bayerni.