Sulmuesi i Hoffenheimit dhe Kombëtares së Kosovës, Fisnik Asllani, vazhdon të jetë në listën e dëshirave të Bayernit të Mynihut, sipas raportimeve të fundit nga mediat gjermane dhe shqiptare. Pavarësisht interesimit të klubeve të mëdha si Barcelona, Borussia Dortmund, Chelsea dhe Tottenham, Bayerni nuk ka hequr dorë nga 23-vjeçari që po shkëlqen këtë sezon në Bundesligë. Asllani ka shënuar 9 gola dhe ka dhënë 8 asistime në 29 ndeshje, ndërsa në të gjitha garat ka 10 gola dhe 9 asistime me Hoffenheimin, ku ka kontratë deri në vitin 2029. Klubi gjerman pritet ta shesë sulmuesin në verë, me një klauzolë lirimi prej 30 milionë eurosh, duke hapur garë të fortë për nënshkrimin e tij.