Kapiteni i Kombëtares shqiptare, Berat Gjimshiti, nuk u stërvit me skuadrën e Atalantës në seancën e fundit përpara ndeshjes së Championsit ndaj Bayernit, për shkak të problemeve muskulore. Stafi mjekësor dhe trajneri Paladino vendosën që ai të kryente ushtrime në palestër, duke lënë të paqartë pjesëmarrjen e tij në ndeshjen që do të zhvillohet në “Alianc Arenën” e Mynihut. Mediat italiane parashikojnë që Gjimshiti mund të nisë nga stoli, ndërsa mungesa e tij në stërvitje është shqetësuese, veçanërisht pas paraqitjes jo të mirë në barazimin 1-1 me Interin. Ndeshja e sotme për Atalantën është një formalitet, pasi Bayern fitoi 6-1 në ndeshjen e parë, por bavarezët përballen me një problem të paprecedentë, pasi të katër portierët e tyre janë të dëmtuar, duke e detyruar trajnerin Vinsent Kompani të zgjedhë mes portierëve të skuadrave të reja.