Sot në orën 18:45 zhvillohet ndeshja kthyese e fazës “play off” të Ligës së Kampioneve mes Atalantës dhe Dortmundit në Bergamo. Sfida e parë u fitua nga Dortmund me rezultatin 2-0, duke i dhënë një avantazh të rëndësishëm skuadrës gjermane. Kapiteni i Kombëtares shqiptare, Berat Gjimshiti, i cili ishte titullar në ndeshjen e parë në Gjermani, këtë herë është lënë në stol nga trajneri Rafaele Paladino. Ky vendim vjen pas humbjes së vendit të titullarit në Ligën e Kampioneve dhe mungesës së tij si titullar edhe në ndeshjen ndaj Napolit në kampionat.